القناص •-- المدير العام --•
عدد الرسائل : 280 تاريخ التسجيل : 21/04/2008
| موضوع: أمـــــــــــــل عمـــــــــري السبت مايو 10, 2008 5:59 pm | |
| حكاية شاب وسيم عمره بين 22و23 مايعرف عن الحب شي ولامره بحياته حاول انه يعرف شي عن الحب. له طله مقبوله واللي يشوفه على طول يحبه. سافر والله بوظيفه بس بعيد عن منطقة اهله اللي ساكن فيها والمكان اللي توظف فيه يمشي الحال بس زيارات البنات على المكان هذا كثيره وبيوم جت وحده ودخلت المكان هذا وشافت الولد هذا فأعجبت فيه وأخذت رقم المحل لانه موجود على اللوحه برا ويوم راحت للبيت اتصلت عليه وحاولت تحتك فيه بالكلام بس حست أسلوبه جاف شوي ولاقدرت تأخذ وتعطي معه. وصار كل يوم الساعه 11 المساء تتصل عليه على شان تتعرف اكثر عليه وتتكلم معاه وهو مايعرف ايش يقول بس يسمع وقول آيه ولاطالت الايام على الطريقة هذي تشجع مره وسألها أنتي ايش الهدف من مكالماتك هذي ولوين تبين توصلين هي جاوبت على طول لانها منتظره السؤال هذا قالت ابي اوصل لقلبك؛؛؛ قال طيب أنا مااعرف شي عن الحب ولا حتى اعرف أتكلم فيه ولا أفهم لغته قالت أنابعلمك على أيديني واخليك فيلسوف حب, المهم طالت المحادثه وجت أيام وراحت أيام وعلى الطريقة هذي وهي تعلم فيه وهو يستوعب بسرعه لين خلااااااااااااااااااااااااص حب الولد من كل قلبه لدرجه انه صار مايقدر ينام الليل من كثر التفكير فيها وكل اصدقاوه صاروا يحسون انه متغير ولا يأكل ونحف وصار يفكر كثير ويسرح كثير وأحيانيخطى باسمها وينادي اصدقاه وهم مايبون يسألونه من الأسم هذا لان من شكله مبين انه حب وخلاص أعلى مراحل الحب وصل,
دارت الأيام ومرت سنه على الطريقة هذي. اتصل عليها بيوم وكان مزعوج قالها أنتي شفتيني وشفتي شكلي وعرفتي أسلوبي وصار لنا سنه الحين ولا شفتك ولا حتى شفت صورتك
قالت له انتظر شوي لين يضبط وضعي واخليك تشوفني
قال..لا..لا..لازم أشوفك وما راح أسكر لين توعديني متى
قالت طيب الخميس الجاي راح نطلع للمكان الفلاني نتقابل هناك والكلام هذا كان يوم السبت.(تخيلو الانتظار كيف راح يكون من يوم السبت لين الخميس اصعب لحظات عمره كان مقضي يومه كله نوم على شان بسرعة الأيام تمشي)
وصل يوم الأربعاء بدا يفكر كيف راح يكون شكلها طويلة قصيرة بيضاء سمره نحيفه دبدوبه حلوه مثل ماهو راسمها بخياله.
كان يفكر بكل شي.
واتصلت عليه يوم الخميس قالت له يالله طالعين وسيارتنا كذا شكلها ولونها كذا ورقم اللوحه كذا
قال: تمام قال:اسمعي أنا كل الطريق مقدر اصبر أبيك كل دقيقتين تشيكين على جوالي علشان أحس انك معاي موجوده وادري أنك ماتقدرين تكلمين لان أهلك معاك صعبه بس أقل شي كل دقيقتين شيكي
قالت اوكي تحركت السيارة وهو حرك بعدها على طول وكل دقيقتين تجيه تشييكه وعلى الجوال لين انقطعت
التشييكات اكثر من عشر دقايق ماقدر يصبر أرسل رسالة ولا ردت عليه تردد بالاتصال تردد كثير مايدري يتصل أو يخاف يحرجها مع أهلها المهم قرر ويوم دق على جوالها مر من جنبه
سيارة إسعاف متجهة بنفس الطريق اللي هو يمشي فيه من كثر ماهو مخبوص نزل الجوال جنبه أسرع وراء السيارة وخلى الجوال يدق(معاودة الاتصال آليا)
المهم وصل شاف حادث اكثر من رعب منظرة مافيه.
عائله كاملة يمين الخط منتثرة فيها أربع بنات وشايب وحده عجوز كلهم حالتهم وإشكالهم ميئوس منها بشكل خيالي.
السيارة هي نفس السيارة ونفس اللوحة ونفس اللون بس كيف راح يعرفها بين البنات الأربع وهي ماوصفت له حتى شكلها نزل مع اللي نزلو يشوف بقايا حلمه وبقايا أمله صار يناظر يمين يسار ولو يشوفها ماراح يعرفها؛؛؛
سمع صوت جوال يرن حاول يتبع الصوت لقا وحده من البنات ماسكه الجوال ويرن بيدها وهي شبه ملطخه بالدم ومافي آمل من إنها تعيش آلا بعد إذن الله
شاف اسم المتصل بجوالها لقا مكتوب؛؛؛؛؛؛؛؛؛؛؛؛؛؛؛
(أمـــــــــــــــــــــــل عــمــــــــــــري) قال يمكن هذي وحده من صديقات البنت هذي لكن بدون شعور رفع الجوال وناظر للاسم اللي هـو(أمــــــــــــــل عـمــري)
وفتح الرقم وكانت الصدمة انه شاف الرقم حقه لان الجوال لقاه مع وحده كان الجمال ماانخلق لغيرها بس للآسف فارقت الحياة وانقلبت اسعد لحظات عمره بثواني إلى اتعس أيام العمر الرقم لقاه رقمه
ولقا اسمه مكتوب
(أمـــــــــــــــــــــــل عــــــــــــــــمــــــــــــــــري)
صدمة خلته ينهار ويغمى عليه وانقلوه معاها للمستشفى هي انتقلت الى رحمة الله بس هو عاش أو أقصد ماعاشت الضحكة بعدها يوم. وترك الوظيفة وتعقد من عيشته وصار يكره نغمة الجوال ولا يتكلم مره غير انه يسولف ويكره أي واحد يجيب أبجدية كلمة حب عنده سافر عن المنطقة اللي كان موظف فيها وتعرف على آمل عمره اللي أنتها فيها.
واخذ عهد على نفسه انه مايجي المنطقة هذي إلا بنفس اليوم اللي توفى فيه حلمه وصار كل سنه بنفس اليوم يسافر للمنطقة ويمر نفس المكان ويجلس فيه ساعة ويرجع لمنطقته | |
|
سواري الليل •-- كبار الشخصيات --•
عدد الرسائل : 147 العمر : 32 تاريخ التسجيل : 23/04/2008
| |
القناص •-- المدير العام --•
عدد الرسائل : 280 تاريخ التسجيل : 21/04/2008
| موضوع: رد: أمـــــــــــــل عمـــــــــري الإثنين مايو 12, 2008 4:29 am | |
| | |
|
يتيم الشوق •-- مراقب --•
عدد الرسائل : 255 العمر : 36 تاريخ التسجيل : 23/04/2008
| موضوع: رد: أمـــــــــــــل عمـــــــــري الثلاثاء مايو 13, 2008 7:12 pm | |
| | |
|
القناص •-- المدير العام --•
عدد الرسائل : 280 تاريخ التسجيل : 21/04/2008
| موضوع: رد: أمـــــــــــــل عمـــــــــري الثلاثاء مايو 27, 2008 11:46 pm | |
| | |
|
&وداع& •-- كبار الشخصيات --•
عدد الرسائل : 21 العمر : 32 تاريخ التسجيل : 22/04/2008
| موضوع: رد: أمـــــــــــــل عمـــــــــري الخميس مايو 29, 2008 1:57 am | |
| | |
|